Om skulen

Norheimsund vidaregåande skule vart starta i 1949. Dei første åra vart det gjeve opplæring i mekaniske fag og bygningsfag. Etter kvart vart skulen utvida med nye studieretningar.
Trebåtbygging har lange tradisjonar i Hardanger, og skulen fekk oppretta trebåtbyggjarlinja i Jondal i 1979. Grunna manglande rekruttering vart denne linja lagt ned i 2003.

I 1988 fekk skulen elektroavdeling og i 1995 kom jentene til skulen då me fekk formgjevingsfag.
I 2006 fekk skulen Vg1 helse og sosialfag. I dag har vi òg Vg2 Helsearbeidarfag og Vg2 barne- og ungdomsarbeidarfag.
Det er omlag 40 tilsette og 160 elevar ved skulen.

Skuleåret 2009-10 får vi fylgjande utdanningstilbod fordelt på 13 klassar og omlag 160 elevplasser.

• Helse- og sosialfag
• Design- og handverk
• Elektrofag
• Bygg- og anleggsteknikk
• Teknikk og industriell produksjon (TIP)

Eit viktig mål for skulen er å arbeida for eit godt og inkluderande miljø for alle i skulesamfunnet. Tryggleik, trivsel og toleranse skal vera styrande for all drift og utvikling ved skulen. Miljøet skal vera prega av respekt, rettferd og medansvar.

Skulen sin visjon er: 
Gjennom samhandling gjera kvarandre gode

Velkomen til skulen vår!

Vidar Ask

rektor